*Sawm loin na ra,
Ka caah ngeihchiatnak phorh buin.
Liam cang ko October...
Zaan fate mithli he ngaihnak a ka petu na si.*
Ca lawng in "ka pa" timi biafang ka ttial ve leng mang. Auhnak caan bal ka ngei lo. Ka lungchung in voi tamtuk kan auh. Thlarau timi a um tak cun kan auh caan ah ka let ve mawh!
"Mangttha" zong cah tak loin zungzal cain na ka kal tak Thla.
October 2012 a liam cang lai tlawmpal ah. Liam zau seh mu! Hi Thla ah thinlung ttap in kan hlamkhunnak tel azor deuh lai. Hlam awk le ngaih awk zong ah tthatthin in ka rak in thei manh lo kha. Kan hlam ning ka pa!
Tuthla chung cu zan fate ngawt thlapa a vang. Rian ka ttin caan ah vaan thlapa sin in bia kan ruah tawn. Kan hlam ning hi!!!! Na dawtnak thlum al teh khawh ve ka duh tuk!In chim ning law, na ngakchia lung tuk rih na ka ti hnga ma?
Sihmanhsehlaw atu tiang ralkap ka hmuh hna caan ah ka lungfak peng rih!
Sihmanhsehlaw atu tiang ralkap ka hmuh hna caan ah ka lungfak peng rih!
Na min buinh mi fanu Dingdi Mang August thla ah ka rak chuak.
October ah vawilei cung nunnak in na ka liam tak.
Ka nu chim bang Ram le Miphun caah ti in hnemh khawh kaa zuam tawn ko. A fawi lo ka pa!
"Ka pa" tiah voikhat te hmanh auhnak caan ttha ka tong lo nain ka thinlung ah zungzal na nung peng lai.
Kan dawt tuk ka pa!
Cun, ka sunlawih bik Dingdi Mang ti sakmi ka min!!!!!
