"Kadua minung fa, a mawh bak lo."
"Ei minung ngaite hi ti bia kan duh ning!"
"Cubantuk minung cu, ka thei bal lo."
Minung...minung...minung....kan thihhlan chung cu minung kan si peng.
Kan nun caah minung kan si i minung tiah auh kan si. Kan Laiholh hi a simple khawh ning!
Minung pakhat ka si venak ah---
Minung pakhat sive ttung i tthathnemnak ngeih lai lo hi ka ttih ngai. Pawngkam ca i tthathnem ve ding ah... mirum mi ngei si theng a hau lo. Thil tuah khawhnak power ngeih theng zong a herh fawn lo. Vantthat ruang ah a nung khomi family in a rak chuakmi vialte zong an tthahnem dih hlei lo. Ti asi cun, zeitin dah hawidang caah kan tthathnem khawh ve hnga?
Kei ka caah cun---
Midang caah zawnruahnak thinlung ngeih hi tthathnemnak hramthawk a si!! Zawnruahnak thinlung ngeih ah cun ruahdamh in mikong kan ceih len lai lo. Kannak in afim, athiam deuhmi zong hnahchuahnak mit in kan zoh hna hnga lo i kannak in aniam deuhmi zong neknak thinlung he kan chawn hna hnga lo.
Zawnruahnak kan ngeih ah cun hawidang nih an kan zumh ruang ah an kan chimhmi biazong him tein ka thinlung ah kan fim piak khawh hna hnga. 32 GB iPhone chung hmanh ah rel cawklo in information kan fim khawh. Unlimited GB simi kan lungchung ah hin zeiruang ah dah biathli chimhmi kan i fim khawh hnga lo?
Caan tampi cun, "Minung dakaw ka si ve cuh!" timi bia hi zei tthathnemnak chuahpi lotu Excuse a si!
