Tuni cu thli a hrang tuk lem lo i a kih dan zong um nuam fangte a si. Nazi pakhat hnukhirh a si i tuan ah khua a mui lai. Lam ah mi an tthing. Motor zong ka hmu hna lo. Khoi ka dah an kal cio dih hna hnga ka ti! Tuhrawng cu kan dawr zong kan slow ngai. Holiday lai a si i tangkaa an i khon cio rua. Umharphen tuah awk zei ka thei lo. Khuaruah dah ti lo cu--
Zanlei break time ah ka relmi "Duhnak ka rak duh sual" timi lenhloi ka lung ah a cam ngai. Duhnak ka rak duh sual!Tuah awk ngeih lo ah ka kau ka ti cu a dih tiang ka rel manh zong kaa thei lo. Attial tu hi a thiam ngai. Ahramthawk ka vun rel ah cun kaa ziak lo ngai phun a si nain seih-win-saa ngai awk in a ttial. A dih tiang ka rel i ka lung saduhthah bantuk in a dong lo. Lenhloi ka rel tik ah ka ruahnak bantuk in a dong lomi pawl an tlawm ngai i cubantuk lenhloi pawl cu a lung ah an caam khun.
Catthial thiammi pawl hi ka hngar tuk hna. Zeidang ah mihngar ka hmang tuk lo. Asi nain cattial thiammi cu ka hngar tuk hna, ka upat hna i ka nahchuak fawn. Sikhawh ka rak duh tuk vemi ah pakhat a si vemi cu cattialtu si a rak si. Cattial thiam duh ah cun ca tampi in ttial peng a hau tiah u Win Ngein nih a rak ti. Kawlram cattial thiam ah ka uar tukmi pa a si.
Thiam lawng ka duh nain ttial ka zuam lo. Tial ka zuam caan ah idea chuak kho lo. Cattial awk Idea timi hi experience in aa thawk tawn i Experience cu tontakmi thil an si tik ah cattialtu thinlung le ruahning hmuhkhawh a fawi ngai.
