Daylight saving time si i tutan cu nazi pakhat miak a si lai. Ka ih hnu pengmi tuzan cun a hnu chin lai. Keimah nih thlen hau loin ka phone cu automatic in caan a rak i thleng lai. Zei ah khin dik ka rel, mahbantuk caan an thlen caan tibantuk le 11:59pm in 12am tlin caan tibantuk pawl caan a vun i thlen caan khi hngah i zoh ka hmang ngai.
Ka mit ku tuk cang nain ih ka duh lo. Zaan i tuan ah ih hi a pam tiah zeinih dik a ka ruah ter.
Zeipipa tuah awk um lo zong ah ih lai ka siang lo i zingkaa thawh caan ah ka ttah chuak tawn. Nain, ka hngalh bal lo. Hnutuk ah ka it tthiam peng. Tuzong ka mit kuh tuk buin ka to ko. Tuhrawng cu ka lung a vaivuan. Zei tuahawk thei loin caan ka dih ter. Hla ka ngai. Cun, hla ka ngai tthan. Zeihmanh tuah thiam lo in hla lawng te ka ngai i cutin caan ka liam ter. Khua ka ruah caan zong ah zei ka ruah tiawk ka thei lo. Ka pum le ka lung hmunkhat ah an um kho lo. A ruang ka thei bak lo, pheh lo tein!
"Dingdi, November le December thla cu lunglen thla a si i tlangval ngeih zong a fawi ngai." tiah ka hawinu nih nai ah a ka ti. Lunglen thla !!! Hmmm...lunglen cu zei si :)? Lunglen le tlangval ngeih!!! Lunglen ruang ah tlangval ngeih sual cun a hmun kho bal lai lo. Duh ruang ah silo in lunglen ruang ah tlangval ngeih lai ding cu ttih nung in:)
