Tutan cu kumdang he khat loin kan tuah i hna a hnok ngaite.
Special ttukmatttek an tam tuk. Busy caan cun ttah chuak ko. Thim awk dang ka ngei lo. Ka rian pei si cu.
US ka phak kaa in ka ttuan hmasat bikmi rian a si i kan dawr hi ka caah cun second home a si cang. Kum
li chung ka ttuan cang nain nifate ka hmuhtonmi cu aa dang peng. Tukum kan New Year Special Menu cu ka
zoh i ka thin ka domh. Special dessert kan ngei lai i amah dessert pakhat te vun tuahnak lawng ah 3minutes a
rau hnga khi a si. Busy caan cun 20 seconds hmanh nih ka caan alak tuk ah hin.
Kum thar cu ngaih um ko. Arak eimi minung pawl an i panh hna ning le zu an din khawh hna ning hi. Ka tha a
ba ko nain ka hmai aa phanh kho tuk. Ka mirh peng. 2013 cu ka ngaih ve ko!
Caan ngeih lo buin ka dawtmi ka cutomers cheukhat pawl caah special dessert ka va tuah i free in ka va pek pah hna:)
Acheu nih alcohol he nuam tak in kum thar an don lio ah cheukhat chungkhar cu free in kan serve mi
Champagne zong "no thanks" an kan ti. Ei lai ah an kut an i tlai hna i thla an cam ta.
Hnawh tuk in ka on ruang ah ma silo ah ka onmi Champagne dik a tam tuk..ka siapi cu nam ahmi bantuk in
afah ning hi ttin lai lawng ah ka theih.
Dawr in ka chuak i ka motor chung ka phanh cun 11:39PM si cang.
Tha bat si, rawlttam si. Ka hna zong chet dihhnekmi a lo. FM ngeih zong ka zuam lo i ka phih.
Yellow sign a lang cang ko nain inn tiang aka zat cun za ko ka ti. Gas station pial pah zong ka zuam ti lo.
Lam cung ah motor a tthing ngai i reng tak in ka maungh. Highway cung cun poi lo nian 45mph lam cung ah
65pmh in ka maungh hi cu palek nih ka hmu sehlaw ka cei ngai lai. Tuzan cu keimah ca hrim ah lam an rak
ka kianh ruadah ti awk in traffic light zong an rak green dih.
Inn ka phan i ka motor ka park ah cun 11:55PM si cang. Hawidang pawl cu nuamtak in New Year an hngak len hna lai. Kei cu ih lawngte ka duh cang.
12:00AM
Welcome 2013 & Goodnite!
