Kum thar atawk kaa te lawng a si rih nain ka caah thil tam ngai atleng manh cang. Thatnak lei zong a um bantuk in khat lei cun lung rawhnak zong an um ve. Nain, palhnak le tlamtling lonak zeitluk in ka ton zong ah Pathian nih ruahkhawhnak aka pek tthan ko.
Bawipa ka lawm!
Naihrawng cu ka buai ngai i cattialnak caan zong ka ngei lo. Ka lungchung ummi le ka tonmi pawl hi ca in ka ttial leng mang i ttialnak caan ka hmuh lo ah cun ka lungchung ah ka fim chung hna. Ka thinlung bal a rik tuk tawn caan zeimawzat ah cun. Ka thilrit tthumhnak ka blog te hi zainak lawngte in a khat sual lai ti ka phang fawn.
Thli nih a choihmi thinghnah ro bang chuk le cho ah ka ruahnak an phan. Khuasik thli chinchap he, tleih khawh loin tuar har ning! Minung khuakhannak le Pathian lamhruainak a dan zia hi!!!!
Khat lei innka akhar nak a ruang cu adang innka pakhat on khawhnak ding ah a si tawn.
Akharmi innka kip zong an i hrenh tinak arak si lo. On khawh sile si lo tel cu mah tein nam pah ahau ve. Nam duhnak thinlung in thazang chuah tel zuam lo ah cun thlachuah don zia thiam lo tu ah athla hnga!
****************
Skyfall (007) movie ka zoh hnu in theater hrim ka phan tthan kho ti lo. Ellen show ah Jamie Fox interview ka zoh i Djangko Unchained timi movie kong an i ceih. Civil War hlan kumhnih lio i minak pawl mirang kut tang ah sal rian an ttuannak kong a si. Jamie Fox cu African-American actor, singer-songwriter a si i mirum, minthang tuk a si.
Ellen nih " mah movie na thlak lio ah khan na caah zeidah a har bik?" tiah a hal i Jimie Fox nih
"Atu ka phanknak dirhmun phanh khawh ding ah hin hartuk le faktuk in ka rak i zuam. Minak, ca zong rel thiam lomi sal dirhmun in mah movie vun i thlak hi ka caah a fawimi thil cu a si bak lo" tiah a leh.
Quentin Tarantino hi a director pa a si i mah pa nih thlakmi movies pawl cu thile hnai he an khat peng. Doh le tuk, i thahnak scenes an tam. Mithal hman in an i thah hna ah cun zoh a fawi deuh nain an nih cu hriamnam phun zakip hmang in a thah, a nawn ter hna i zoh ngam lo in ttih a nung. Example; Kill Bill Vol I + Vol II
Nazi pahnih le minute 45 a raumi movie ah voilent nak scenes tam tuk a telh i zoh a har khun. Voi zeizah ko dik ka hna ka phih i ka mit ka chinh ka rel cawk lo. An sal pawl an hrem hna dan le dan an tat hna ning zoh ngam a si lo. Movie a si ka theih ko nian ka mithli luan lo ding in ka kham kho lo. Mississippi hrim ka tlawng lai lo zeitik hmenh ah!!!! Texan pawl cung zong ah ka thin hung!!!
Aliam cia caan i palhnak kan tuahmi pawl tuah tthan sual lo ding le ka tuah ciami chung in nunzia ttha kan cawn khawhnak hnga ding caah ram kong, minung kong (History) hi ka theih a rak herh ngai.
Kawlram lio ah KKK kong ka rak rel i zumhawk ah ka rak i harh ngai. Kawlram in Dallas ka phak hmasabik zarh ah " mah mah, texas ah kkk an um rih ma?" tiah ka u nu ka rak hal. Djangko Unchained ka zoh i KKK ka lung ah an chuak tthan.
God Bless President Lincoln!!!!
Tam nawn ttial ka duh nain ih hau! Ca tthial ka timh fate caan hi a tlik in an tli rua...
