Dear Bawipa,
Mirum mingei nih an nun khawh ning le kei ka sifah ning hi ka ai puang ko.
"Life is unfair, so just face it." an ti. Kaa zuam ve ko. Nain face dakaw a har tuk tawn cuh.
Na sinah lawmhnak bia ka chim caannak in kan zaihnawh caan tu a tam deuh. Achel caan cun kan au hnawh i na cung ah fianlonak he bia kan hal tawn. Lungsau tein dawtnak he thlachuah pek ding ah ka caah timhcia tein na um peng. Ka lawm Bawipa!
Cun, Zulh ding ka thimmi ka lamthluan ah ka tel pi ko Bawipa! Ka minung sinak in hmailei zong ah kan zaihhnawh hoi te lai. Ka theithiam ko Bawipa!
"Vawilei cung na nunnak ah hin zeidah ka vantthatnak bik si tiah na ruah" tiah ka hal hna sehlaw "Zumtu Khrihfa pakhat ka sinak hi a si" tiah ka leh hna hnga.
Bawipa, nangmah an zumtu hi rak si hlah ning law, ruah ngam si hnga lo ka nunnak hi! Na cung ah ka lawm!
