Nationhood

A Sunglawimi February 20 

By Si Bawi Mang Lian 

"February 20 ni cu Laimi caah ni sunglawi pakhat a si. Laimi phun vialte Bawi, chia le sal timi um ti hlah seh law Laimi chung in khuami le rammi nih thimmi lawng nih kan uk cang hna seh tiah a chanchan in ramukbawi le Independence kan hmuhka te i Lairam cozah a simi hna minung thongnga tluk nih 1948 February 20 ah lungtlin le biachahnak an rak ngei i cu ni cu Laimi vialte nih zalonnak le nuhrin covo timi kan hmuh ni a si. Cucaah February 20 cu Laimi a hmunh chung philh lo in lawmh peng ding a si. "

_________________________________________________________________________________

February 16

Dallas ah Lai Miphun Ni tuah a si i ka kal kho ve. Ka dam lo buin ka kal i tuan ah ka ttin. Inn tu ah Live in an thlaihmi paih ka zoh i 11:45pm ah a dih. Ka ra kho lai lo tiah chimh ka philh i "Na dam lo ma?" tiah ka Coach sin in email a rak lut. "Ka National Day" a si i tiah ka nawl zawk. Laimi pakhat ka si ve bantuk in Lunglawmhnak he akhat mi ni Ka Laiphun Ni, a sunlawih ning hi!!!!

February 17

Ka zaw. Ceituk in ka zaw. Tho kho loin ka it. Ka zawtdan a fah ning hi! Chunnitlak ihkhun cung ah ka hram. A numh lo ning cu!!! Tuzarh Sunday cu happy lo tuk :-(

February 18

President Day. Zingka cu ka tu nu te he in kan hngak. Biaruah a nuamh lio te tthi a si i umhar pheng ngai. US chuakmi fa le hi cu an i vanttha hrim ko. Kum hnga lawng a si rih nain thil ahmuh ning le a khuaruahnak cu keimah tang thum ka kai lio nak in a sang deuh. 

Ramdang sianginn kainak i ca an chimh hna ning le kawlram ca chimh ning a dan ning hi ka ruah tthan ah ka lung a fak! Keimah thluak chiat tuk zong a rak si ko hnga. Nain...Nain...Nain...

Hika ram i achuak mi vialte zong thluak ttha cia in an chuah ttung lo. Sianginn ah ca an chimh hna dan nih pei thuk deuh in khuaruah thiamnak le ttha tein lungfian/theihnak a pek hna cu.

"a" ruang ah "b" a si tiah kawl ram cun an kan cawn piak. Tha tthin in a ruang an kan fianh lo. Camipuai phan. By heart in kan thiam mi catlap ah kan ttial. Cu ti cun, tang khat hnu tang khat ---

Atu ka hin sianginn ka kai tik ah saya/mah te nih "a" ruang ah "b" a si ma? tiah an kan hal lo. Zeiruang ah dah "a" ruang ah hin "b" a si? tiah an kan hal. University ka rak dih ve dara ka ti!! Critical thinking ah cun zero nak in ka niam deuh minus ah ka phan. Ngeihchiat a si ning hi!!! 

"Zeiruang ah?" "Zei tin dah a si khawh?" "Mah ti hin hei si sehlaw tah?" "Ti deuh cun a si lai lo ma?" tiah kawlram sianginn class chung cun hal ngam a rak si lo.  An rak kan chimh ning tein ca uk ah i ttial i by heart in zah tu a si. Question tam tuk hal ah cun sayamah te nih "Nangmah ma thei deuh? Keimah chimhmi dah na cawn lai?" tiah an rak kan ti i kan let ngam hna lo. 

Voikhat cu blackboard ah Math kan sayamah nu nih problem pakhat a ttial. Apalh nak kan hmuh ko nain kan chim ngam lo. Yah tiah cun, a ziachia chia tuk i kan rak ttih tuk. Palh ko theih buin kan rak i ttial chih hna. Ka ruah tthan ah siangngak chia molh zong aa tel ve ka ti.

Zei ruang ko ah mah ti khan kan rak ttih hna hnga? Tih lo ding ka ti lo. Upat ding an si ko nain theih lomi le palhnak pawl cu chim ngamnak nawl/ hal ngamnak nawl an rak kan onh ding a si. Miphun pakhat caah  fimthiamnak hi a biapi tuk an ti nain rikhiah in fimnak chimh a rak kan timtu kan cozah hi ka lung an fiang lo!!!!!! 

February 19

A4 paper le paper clip pathum te lawng hmang in Hlei kan ser. No tools provided!!!!! 10minutes caan kan ngei. A nuam ngai. Zeikar ah class dih manh theih si lo. Tuzarh cu ka zang deuh ngai.

Nain Midterm nih a ka hngah!!!!!!!!!

Nain,

Spring Break phan deng i ka nuam ko :D

February 20, 2013

May God Bless Our Nation!

Happy Chin National Day!

Unconditional Love

"Nan ka auh ahcun kan leh hna lai i a nganmi le a thukmi thil nan thgalh bal lomi hna kha kaan chimh hna lai."

Jeremiah 33:3

Happy Valentine's Day!

"Life's greatest happiness is to be convinced we are loved." -Victor Hugo 

This is for my family.

 

and this, for my special one.

Thank you for everthing! 

Short Journals

"What is this life if, full of care,

We have no time to stand and stare.

------

--------

----------

A poor life this is if, full of care,

We have no time to stand and stare."

                                         William Henry Davies

***************************************************

Tulio ka rian ttuan ka zuam lo ning hi a zual. Tangkaa le ka hreh peng fawn! Kum nga deng ka ttuan cang caah ma a si hnga zeidik. Aka simh hringhran ko.  Ka rian chuah tak in riang dang sawk ka timh caan a tam ngai nain ka rian nih an ka dawt tuk i kal taak tak ding ah ka siang lo. Mahtluk dawtu lak ah herhbaunak um lo in ka ttuan khawh komi ka rian chuah tak lai cu ka lung awttawm ngai ko. Riandang ka hmuhmi atu ka rian tluk in a ttha lai lo ti ka phang peng. "A ruh tum hlah, a hang na hap lai." an ti lai phungthluk ah. 

Nain, 

"Man cannot discover new oceans unless he has the courage to lose sight of the shore."~~Andre Gide

***************************************************

"Do not take life too seriously. You will never get out of it alive." tiah Hubbard nih a timi hi a hman. Nian ka remh kho rih lo. Zeipoah serious in ruah ka hmang. Tha lo ngai. Ka khuaruah a tam tuk laklawh ca zong ah si men lai ka kum an ka hal i 28 ka ti tawn hna ah an ka zumh tawn. 

Achel caan ah  ka thin a tawi rih ning hi! Ruah hmasat loin lehrul ka hmang ttheo tawn i ahnu ah ka lung ttha tthan tawn lo. Nain, ka palh ti ka hngalh ah cun "ka ngai thiam" tiah nawl ka harh lo i tutiang cu huatu ka tong rih rua lo dah :)

***************************************************

Engineer pakhat nih ngeih ding ziaza le zulh awk phungphai pawl kan cawng i biale lam phan lo ah thil pakhat ka ton mi kong ka lung ah a hung chuak. Nain, ka hnak a ka doh lem ti lo. Zeiti awk ttha ka ti. Tlamtling lo ruang ah si lai cu.

Kan holh rel le kan um tu nih zeibantuk kan si a langh ter ttheo tawn. Cauk pakhat a lengphaw lawng zoh nak in biakhiah khawh a si lo. Minung zong zohnak bantuk in kan si naisai lo. Tha tein mipkhat theih huaha loin kan hmuh ning in bia kan chim tawn. Minung nih kan ngeihmi man sangbik pakhat ah kan ziaza hi a tel. 

Tangka  hgawt nih lai arel lio chan ah hin i chuah sual a fawi te. $ zei mawzat te ruang ah hawi nih phundang in hmuh lai hi a pam tuk/ttih a nung ngai!

***************************************************

Sianginn ah hawi thar ka chap. An zia atthat hna ning hi, cawn ka zuam ve lai ka ti. An nih cu rian ttuan loin sianginn lawng full time kai mi an si hna i tuan ah an ka dih tak te lai. Kan Professor pawl an ttha tuk fawn. Yah mahtluk in ka rak ttih ee ka ti. Nain, ca zoh awk cu rel cawk si ve lo. Azei poah ka caah a thar lawngte an si i ka lung cu buai tuk rih! Cun, thinking outside the box ka chei rih lo. One step at a time :) 

***************************************************

***************************************************

Tulio cu Sat day phanh lai lawngte kaa ngaih! Zeizong te philh ter kho in lung nuamhnak a ka petu Tennis ka celh tthan cang. Cei cu ka cei tak ve. Zarhkhat chung aka kuah. Ka tak pum a fak tuk nain ka lung a nuam. Abiapi mi  cu happiness si ko lo maw :D:D:D:D 

                  

Stay - Rihanna