Fidi group ah member ka sinak a kum in a si cang nain rel awk relnuam article le ruahnak thar an rak ttial khawh peng i a nuam tuk. Laiforum in ka chuak lai ka ti nain tutiang ka chuak rih lo. Laiforum in a lutmi canak in Fidi group i mino pawl thil an hmuhning le an ruahnak nih fim a ka chimh deuh rua ka ti. Cattial tu tam deuh cu mino deuh an si hna i an ruahnak a sang, thil an hmuh ning a thar i cawnawk tam tuk ka chap. Tulio cu CYO phanh lai a si bantuk in "Person of the year" thimnak kong an ttialmi ka rel i kei zong ka vun vote ve.
Sianginn kai pah le riandang lak ah ca a ttial kho bik mi le a ruahnak kau mi ah ca tthial thiam Si Bawi Mang Lian hi # 1 si lai tiah ka zumh. Mino te a si ko nain thil a thei, a ruahnak kau i hawi tam deuh nih ka ruah khawh nak leng tiang thil a hmu kho. Caan ka ngeih lo zong ah group chung i a mah mail a luh ah cun * ka mark i break time ah ka rel tawn. Adang mino cattial thiam a tam; pa deuh lawng te an si. Kan lai mino pa pawl hi an men hrim lo. Biazai an thlaihmi pawl zong an ttha tuk i ka notebook ah ka ttial tawn hna.
Ahnu bik ka ttialmi biazai cu Kennytinza24 ttial mi "Rain" timi a si.
*** Searching for a cool air to let my tears dry
I am struggling to find peace this time
I don’t know whom to blame but the day
I am broken into pieces********
Nu cattial thiam Nancy le Borte ttialmi zong ka rel lonak a sau tuk cang i ka hlam ngai hna. Senri le Muko magazine hi website in thlah hna sehlaw tiah saduh ka that tawn nian...chim khawh si lo. Nikhat khat cun online zong in rel khawhnak caan phan te ko lai ka zumh :)
Fidi mino pawl he hmai tonh in kan i tong bal hna lo nian ka thlaihchan hna i ka upat hna. An minung le an ca he ka dawt hna!
*********
US cu kumthawk kaa in ngeihchiatnak news lawng te he a khat ko. Minung pakhat ruang ah sualnak ngei lo mi tam tuk an nunnak a liam. Movie theaters zong ah himnak um lo i sianginn zong a him lo. Boston maraton si, colorado shooting si, sandy hook si....ruah ah ngeih chia a si ko. TV channel tam deuh cu Breaking News lawng te he akhat. Himnak hmun kan ngei lo. Hi vialte a cang mi thil hi cozah nih an tuahmi lawng te si a ti mi an tam. Crisis actors minung pawl kha cozah nih an hlan hna i mipi nih kan theihmi le news i ka hmuh mi pawl hi lih lawng te a si an ti. Tukum chung a cang mi shooting kong Conspiracy ka rel i ka molh deng. Ka theihmi le ka ruahnak nih aphan lo.
Rian ttaunnak ram ah rian lo le leiba he a nung mi kan tam tuk i a cheukhat cu an lungre theih nak an celh lo tik ah ruah lo le ruah lo an ruat. Tuah lo awk thil an tuah i sualnak ngei lomi ngakchia le mipi him nak kan ngei ti lo. Kalnak poah ah thinphan thlalau in kan um. Mi tha, mi nunnem tiah hmuh mi pawl zong thlithup in sualnak an rak tuahmi pawl theih tik ah ttih a nung tuk. Sianginn class chung zong ah hawi ser kan i harh. Lam pi ah mihar kan hmuh hna zong ah bawmh kan i harh tuk cang. US ka phanh ka cu an motor a rawh ruang ah lamkam i a dir mi pawl khi mi nih an bawmh colh peng hna ka hmuh len. Atu cu naisai..zeithluk bawmhhal zong ah hohmenh i bawmh chanh ngam si ti lo. Ngeihchia ngai si!
***************
Kawlram sianginn kai lio ka ngai. Kan education system sual ka phawt tawn. Atak ah cun keimah cathiam lo tuk a rak si :) Tulio ka lak mi class a kan chim cu ka Professor pa hi kawlram high school ka kai lio sayamah te bantuk a si. Akan chimh mi zat lawng theih/thiam ter a kan duh i ca kan hal tik ah a thin hung. A smart tukmi mirang pa te he kan tthu tti i a fian lomi hal colh a hmang. Kan Professor pa nih a uar lo ngai. "Aww kan cawn piak mi hi tha tein ngai law na fiang ko lai, caan ka ngei lo. Ka chim mi tu ttha tein ngai" a ti. Ka hawi pa te nih cun "mah ka zawn kha mati cun si awk si lo ma?" tiah a hal tthan. "I am an instructor, just follow my instructions and you will be fine" tiah kan Pof pa nih a leh:)
No wonder I miss being a student in Burma!
****************
The future is as bright as the promises of God!
******************
