Arfi Lam Tlau Zan

"Dingkok, tukum na chuahni caah tinhmi na ngei ma?" tiah ka hawi pakhat nih a ka hal. Ka ngei, a ngan ngai ngai i a har tuk ding a si fawn. I zuam tuah ning ka ti. Adawh lomi ka lungput remh le thlen khawh ding hi ka chuahni caah tinhmi ka thlacam ka si. 

A herh lem lomi le santlai hnga lo bia ruang ah thinhung ka hmang tuk lo nian rikhiah mi lonh in holh rel a hmangmi cu cakei bantuk in seh ka duh hna. Seh tak awk le athat lo tik ah i pehtlaih lo ding tu in ka um tawn. Ka lungdongh cang mi minung pakhat cung ah cun an thih le an nun zong ka seih win sa ti hna lo i an min fawi tein philh ka hmnag. Aipuan thinhun in um lennak in philh beh hi atha ngai. Hna a thiang i lung a dam.

Khua ka ruat tawn. Minung ngai te hi ka ti. Hawidang pakhat khat nih sunghnak an inn caan khi kan lunglomhpi bik ni hna a si tawn rua dah ka ti. Hawi dang lawmhnak an ton caan ah lungtak in kan lawmh pi kho bal hna lo. Zeiruang ah dah a si hnga? Athat lei nak in zeizawn khin dah a rak i palh  bal hnga timi tu theih kan duh deuh. Aruang cu kanmah le kanmah zumhnakfek kan ngeih lo ruang ah si lai tiah ka zumh. Mah le mah zumhnakfek he a nungmi nih cun midang nunning kong a buaithlak pi bal lo. 

Tulio cu sianginn ka ngei lo i Tv zohnak caan sau ngai ka ngei. The Talk, CNN, HNL, Steve Harvey, Ellen, Dr.Phil, Doctors, Anderson Copper le Judge Judy hi ka zoh bik mi an si. Tuni the talk ah Selena Gomez bia an ruah i a chimmi pakhat te ka duh tuk mi cu " you are who you surround yourself with" a ti. Ahman tuk hringhran. Kum 21 te lawng a si rih nian biachim a thiam ning le a fim ning hi ka khuaruah a har. "The Talk" a zohtu hawidang zong ruahnak thar le thazang an i lak cio lai ka zumh. 

"Na kum a no ruangah ahohmanh nih in zomhtaih hna hlah seh, sihmanhselaw na biachim na holhrel ah siseh, na zia na za ah siseh, dawtnak, zumhnak le thiannak na ngeihmi ah siseh, zumtu hna caah tah chunh awk talk va si tuah." ti'n Bible ah kan hmuh. Zeiruang ah dah "na kum a no ruang ah " tiah bible nih a hman hnga? "Na kum upat lei sang a phanh thluahmah ruangah mi nih in zomhtaih hna hlah seh, sihmanhselaw..." tiah si deuh sehlaw a tha deuh men lai ka ti. 

Minung kan nunnak ah hin kan pawngkam ummi hi an biapi tuk. Chiatnak lei hoih lawng tein chim a hmangmi pawng ah kan um a si ah cun zeitik hmenh ah kan thangcho kho lai lo. Dawtnak thlam zong a leng kho lai lo i lawmnak kan thinlung ah hmunhma a la kho lai lo. I kan tonmi thil kip cung ah kan thin a hung lai, kan nunkhua zong a tawi lai. Kan mah lawng si lo in pawngkam kong ziatha lo kan chonh hna i ho ca hmenhh ah thil tha a chuak lai lo. Upat nak a tlau. 

Hawikom tam le smart mi hawi theng ngeih zong a biapi lo. Hawi tha ngeih tu hi a biapi deuh. "Choose wisely and love fully" an ti. Lawmh caan ah lawmhpi tu, ngeihchiat caan ah hnem tu le aliam cia thil a philh pi kho tu hawitha hi an biapi deuh. Hawitha nih cun "ka ngai thiam" nawl nak in "zei bantuk bia dah chimhal awk ah atha lai lo" titu an ruat hmasa i hrial an i zuam. Mah caah "Talk wisely and love fully" ti hi ka pom deuh. Mah nih hawitha ngeih kan duh ah cun kan mah zong mi caah zumhawk tlakmi hawitha kan si hmasa ve awk a si. Midang na upat khawh lo le upatnak na pek khawh hlan chung poah cu upatmi si i ruahchan hlah. Tuh hmasa loin thingthei a tlai kho lo. Na tuhmi thingkung zei bantuk a si theih na duh ah cun a theitlai na hmuh in na fiang ko lai.

......

spelling le palhnak check len ka zuam ti lo. Ahnu tuk cang i ka mitku ngai fawn. Zumhmi, ruahnak le tuarmi ttialnak ah biadawh le rel nuam si theng hau lem lo:) ka chimmi na lungtling lo zong ah dih tiang cu na rel ko hih!!!

Mangttha.