US ka phanhnak kum ruk a si cang.
US ah August thla voiruk ka hmang cang tinak si.
US phanh hnu cun ka chuahni phanh ah ka lawmh ning a dang.
Kawlram lio khan cun dawtmi hawikom he chunnitlak kan rak vak hna.
Thaizing kong ah ka rak buai bal lo i lungretheih awk pipa ka rak ngei lo.
******
Tukum zong kumdang bantuk tein ka hawile pawl nih ka chuahni lawmh ding ah ka family an va leng hna. Ka hawile umnak le ka nu le an umnak hi a khat lo nian X'mas le August thla fate an i khom hna i an kan leng peng. Tang sarih ka kai lio in aa kommi kan si hna i kan i komhnak a fek tuk. Mitha tuk an si i Pathian sin ah "mah bantuk hawikom ka caah na ka pek i ka lawm" tiah lawmhnak ka chim tawn.
...........
Rian ttin lai ka ngaih tuk tuzan cu. Inn ka phanh cangkaa in kan in phone ka hei auh colh. Ka hawile cu an rak phan diam cang. Pakhat hnu pakhat he kan i chawn hna. Ka nuamh tuk ning le ka ngaih tuk hna ning hi; ka mithli a ha nain ka mirh chih. "Ngandam tein um rak i zuam" tiah voi kul deng cu an ka cah lai dah. Ka dawt hna ning hi, kum le caan an liam nain ka dawtnak hna a karh chinchin. Hawikom tha cu sui le ngunnak in a sung deuh hrim ko. Tah chunh siang ding hmenh a si lo!!!!
*******
Ka tonmi ngeihchiatnak, thabatnak, rungretheihnak le lungnuamh lonak vial te an tlau rih. Ka thinlung a zang i Yangon tlun lai ka hngak kho lo. Aliam cia caan kong kan ceih hna. An ka dawt tuk i ka rak luar tuk. Keimah duhnak peng hmasa ah an chiah i ngeihchiat ter an rak ka siang lo. Bus kan i cit zong ah tthutnak tha an ka kianh i an ka ven peng. Nu ka hawile he thlangval kong ah kan rak buai lem lo nian pa ka hawi le bal ka buai ter ngai hna. An rak ka dawttuk tik ah nungak nih an ttih hna i nungak ngeih an rak i harh ngai. University kumkhat nak kan phanh lawng ah pa ka hawile cu nungak an ngei kho.
*******
Kan University aa khat lo! Nain ka va leng mang hna an sianginn ah. Canteen ah chunnitlak bia kan i ruah hna i kan i nuam tuk hna. Viokhat cu "nan sianginn ah kan leng hna lai khah" tiah ka chimh cia komi hna ka hawipa cu a nungak he Park ah an rak kal i Canteen ah a rak chuak ti lo. Note a ka chiah tak i phone kan call te lai a ka ti. February 14 a si i theihthiamn ding ka rak si ko nian ka hawi nih keimah nak in a nungak zawn a ruah deuh tiah ka thin a rak hung tuk. A nungak nu cu ka va ton i " Na darling na cawkpiak mi VCD kha achia tuk. Heh i lak than" tiah (athli tein a ka hlanhmi a nungak nu cawkpiak mi) VCD ka va khirh i mah zarh chung ah cun ka hawipa le a nungak nu cu an i piat. Ni hin ni tiang kan i chawnh fa te mah kong cu kan chim peng rih. Tuzan zong hen ta .:D
******Cun,
Bicycle cit an rak ka chimh lio ka ngai than. Minung pahnih nih keh le orh in an ka tleih piak i a dang pakhat nih ahnu le in arak ka nam piak. Ka hmailei in ka tlak sual ah tlai tu ding in pakhat nih a rak dir cia. Zarhkhat chung tuition ttin pah ah an rak ka chim i bicycle cit ka thiam nak a si. Ka ruah tthan fate ka mitthli a ha. An ka dawtnak a sang tuk. Kha lio caan kha zeitik hmenh ah ka philh kho lo lai.
Class thlawk hlan poah ah an pathian thlacamnak chim hmasat a rak si. Minutes 5-8 hrawng cu an rau rua dah ka ti. Kan class chung ah keimah lawng khrihfa ka rak si i thla an cam chung poah cu ka thu i an thlacam ka ngai tawn. Ahnu cun, an pathiam caah an chiahmi pangpar ti hna thlen ka bawmh hna i pangpar thar zong ka cawk i ka put tawn hna. Thil hmete te in a rak i thawnk nain caan a rauh hnu cun upat nak le dawtnak an karh i tthen khawh lomi hawikom tha kan rak si hna.
Hawikom tha si ding ah Biaknak, Ngeihchiah le Nunphung khah theng a hauh lo ning hi!!!!!!!!!!!!
