Value Every Moment

Tuni cu hawile he thanksgiving hmannak caan kan ngei i ka nuam ngai. Ka chuak lang lotuk i a ttha lo ngai. Hmailei cun itel khawh deuh ka zuam cang lai. Kan nun caan a tawi tuk! Mah te lawng in caan liam ter peng hi a pam tuk:D

Ka ttial pah in mah hla hi ka ngai pah;)

*********

Mah message te hi share kan duh ve hna. Joel Osteen nih a chim mi a si. 

"Have you stopped to consider that today is a special gift from God? Sometimes, our days can be so full and busy that we forget how fragile life really is. It can be easy to allow little things to creep in and steal our peace and joy. 

May be something doesn't go our way, or someone says something upsetting. Even traffic can cause us to lose focus if we let it. We have to remember that each day is a gift. If we choose to focus on what's wrong, we will miss the blessing that each day has to offer.

I encourage you today; don't let the precious moments of life pass you by. Don't wait for holidays and birthdays to show people that you care. Remember, each day is unique and irreplaceable. You have been given time that can be invested or wasted; hours that can be used or misused.

That's why the psalmist prayed to God, "Teach us to number our days." He was saying, "Teach us to value every moment we've been given." As you daily keep a proper perspective, you will gain a heart of wisdom. You will draw closer to God and experience the full blessing that He has for you each and every day!" ~~Joel Osteen

"Teach us to number our days, that we may gain a heart of wisdom." Psalm 90:12

Bawipa Ka Lawm!

                 

Ka lawm.

Ka lawm...

Ka lawm tuk ..Bawipa!

"What are you thankful for?" tiah ka hal hna sehlaw chim ding atam tuk!

Donghnak ngei lo dawtnak he daihnak a ka pe zungzal tu Bawipa na cung ah ka lawm!

Dawtu dawtmi ka nu, unau, tu, rualchan, hawikom, fimchimtu nan za te cung ah ka lawm!

May you all feel the blessing of our God today and every day of the year!

Hell in Heaven

"The Silent Wife" timi cauk ka lim. Mirang cauk rel ka harh ning hi :( Nihnih ka rau. Mah cun ka fian lomi le ka theih lomi words an tam tuk. Dictionary chung ah kawl len cawk si lo i ka ruahnak in ka translate chih:) 

"Biologically, men are predators"

Jodi le Todd hi nu va an si. Jodi cu mifim cathiam degrees tampi a ngei mi nu a si i an pa Todd cu businessman a si. Businessman ti tik ah a minthang tak mi le a success tuk mi a si lo. Mi rum tuk cu an si lo nian a nung kho ngaimi an si. 

Todd cu a thli tein nungak dang a ngei. A sianginn kai tti hawi pa i a fa nu te a si i kum tamtuk an i thlau. Ruah lo pin nute cu nau a pawi. Todd he wedding tuah i um tti a duh. Todd nih tuah awk a thei lo. Jodi le a duh rih ko fawn. Jodi tluk nu za le va le zohkhenh a thiammi ka hmu ti lai lo ti a fiang ko. Nain, nungak dang nau a poih hnu i thit lo kha le a duh lo. 

Jodi a chimh. "Na thil la law tu inn in chuak, hmuh kan duh lo" tiah Judi nih a tthawl. Ticun a nungak no te he an um tti. Nu te i apa nih an kong a theih tik ah Todd cung ah a thing a hung tuk. A fa nu zong chawnh a duh ti lo. 

Todd nih Jodi a ngai tthan thluahmah. Zeitluk in dah Jodi arak zohkhenhnak a that kha a fiang. Jodi cu muidawh a si. Ca a thiam. Leng chuah hau loin inn in rian a ttuan. Rawl chuan zong a thiam tuk fawn i herhbaunak um loin Todd a zohkhenh khawh. Cun, a dawt tuk fawn!

......

........

............A donghnak ah Todd cu a thi. Motor chung ah meithal in an kah. Honih dah a thah hnga? A cauk min nih a phi a kan pek cia ko hi. Todd cu a thi. Jodi bal amah ning tein inn ah a fimthiamnak hmang in rian a ttuan peng rih ko.

Mah cauk nih Todd hmang in a langh termi cu nupi le an fimthiamnak a san tuk le thil an tuah khawh deuh cun va le nih niamtuk in an mah le an mah an i hmu/ruah i relationship ah tling tein an i nuam kho lo. Cutik ah an mahnak aniam deuh mi le thazang a dermi nu sin ah nuamhnak kawl an i tim tawn ti hi a si. Ahman le hman lo cu ka thei lo. Cattial a thiam. Rel a nuam. A dongh ter ning ka uar!

"Gone Girl" he an i lo pah nain an i dang:) Amy le Nick timi nuva hna kong a si. Ahram thawk in a lai tiang cu rel nuam ngai a si nain...

Gone Girl kong tial ka rak i tim bal ko nian a dongh dan ka lungtling lo i ka tial zuam tthan lo. Movie in an chuah hnek i zohlai ka ngaih ngai. 

*****

Faith

Hump Night & Me

Kan ziaza hi chikhat cu kan thuh khawh. Hawi he kan um tti caan le inn i kan um caan kan zia aa dang. Sianginn i kan zia le rian i kan zia zong a lo lo. Kan phanhnak kip ah kan ziaza kan thlen i atak a simi kan zia hi kan thuh tawn. Kan i fim ter chel, kan i uah chel, toi kan i dor ter chel, duhnung tukmi te kan i lawh ter caan le kan mah kan sining tak lo piin kan um caan hi a tam tuk. Kan mah le kan mah kan i hlen a si i a donghnak ah cun kan mah lila hmenh nih kan zia kan i fiang ti lo. Lih in mi kan hlen tuk hna nak ah kan mah lila zong nih kan i zumh beh tawn. ~~ Dingdi Mang

***************

Hnu hmai thei loin ka buai.

Company pakhat i a ttuan mi upa vialte zaan riah ei i ton ttti nak kan dawr ah an ngei i tuzan a ttuan mi pawl cu kan rian tam, kan ba ko. Relcawk lo tuahawk rian he kan i ciah hna. Bawmh i halnak caan zong kan ngei hna lo. Mah tein tuah lawlaw ah a reng deuh hnga phun khin kanmah le kan tuahawk cio he heh tiah kan tli kan le len hna.

Mahlak ah cun table pakhat ah nu va hna an rak tthu. "Nangmah nih bawm hna mawh, please!" ka hawi nu nih keimah tu a ka rinh. Amah nih a bawmh hna ding table a si nain "A nu pi khi a ziachia tuk hnga mi a lo" a ti. 

Poi lo ka ti i an table cun ka hei kal. Nai zarh ah an rak ra i keimah nih ka rak bawmh mi hna an si. "Welcome back!" ka ti i an cah duhmi le an herhmi ka hal hna. Naitan an rat khan cun kan rian tam lo lio a si i an ttin lai zong ah a tangmi an rawl pawl bawm chung ah ka rawn piak hna. Ka rian si lo nain an nu nih "mah a tang mi hi inn ah ttin pi ka duh, bawm ah ka rawn piak" a ka ti. "Bawm kan pek lai i nangmah tein i rawn" tiah tinak nawl kan ngei ko nain tuah awk pipa zong ka ngei lo tiah lungsau tein an ei ciami rawl pawl cu bawm ah ka hei rawn piak hna i bag he ka pek hna. 

Tuzan zong naitan an cahmi tthiamtthiam an cah tthan. Ka rian tampi lak ah an duhherh poah tuahpiak khawh ka zuam. Duh hlei an cuai tuk i hna cu an hnok ngai. Nain, ka rian a si mi cu ka tuahawk a si. 

Zeitik kar ah caan an liam manh zong theih a si lo. Tuahawk tampi nih tlangthlur in an ka hngah rih ko. Midang table ka bawmh hna lio ah an nu nih a ka auh. 

"Atang mi pawl hi bawm ah ka rawn piak" a ka ti.

 "Bawm kan pek lai i nangmah tein i rawn mawh."

"YAH? Nnangmah nih rawng."

"Sorry, tuzan cu kan tuahpiak kho lai lo. Na hmuh ko hi. Kan rian tam tuk lio si."

"Sizong ah keimah tuah cu i??? Na tuah kho lo ma?"

Ka lungchung te cun "na hrut ma? na molh ma? thluak ngei lo in ma na nu pawchung in na chuah? na mit ma caw i na hna ma chet?" ka ti.

Nain, "NO, kan tuah piak kho lo. Bawm le check kan put lai ka hngak" ka ti i bawm lak ah ka kal tak.

Ka thin cu a hung ngai. Nain ka tuah piak ah cun minute pahnih hmenh khi a rau hnga si lo. NAIN, ka rian a si lo i tuahawk riandang tamtuk ka ngeih lio caan a si. 

OK, tuah piak ko ning ka ti i bawm ah ka rawn piak. Bag ah ka khumh i ka pek. "Ka lawm" aka ti nian ka kaa in zeihmenh chuak kho ti lo. A lawmh nak ding ah kan tuah piak mi a si lo. Mah tuahpiak ding hi ka rian zong a si lo. Nain ka thinlung nuamh ding ah ka tuah piak mi a si. Tuah piak duh lo tak khan um ning law ka thinhung peng rih lai i caan zeimaw zat chung ka lung ah a tat lai. Ka tuah piak lawlawh i ka thluak chung zong in ka chuah chih. Lungdai, thluak thiang!

Midang nih dawtnak thinlung he zanghlei cawi in thil tuah piak mi theihthiam khawh lo hi zeidah a si hnga? Molh ma asi?  Hruh dah a si deuh? Thluak nih phanh lo bia dah a si deuh hnga?

***************

Ka kum upat lei sang ka panh bang ka tonmi zong a tam i minung ziaza zong ka theih deuh thlauhmah. 

"Atlingmi minung leicung ah kan um lo." Ahman. Nain, nikhat hnu nikhat tthat nak lei ah karhlan i zuam khawh a si. Mi kong ceih a zuam tukmi kan si ah cun duhsah tein kan i tthinh i ahmursau tukmi le bia a duhtuk mi hawile kha kan hrial pah hna hau. "You are what you eat" an ti kha. 

Aa uah mi kan si ah cun uahnak nih hruhnak le sunghnak lawng a chuahpi ti hi kan i fian pah a hau. Uah a hmangmi caah cun nun man zong a um lo dah! A cheu nih pawngkam caah tuahpiak khawh mi kan ngei hna lai lo. Asi nian an thang kan that khawh hna i thla kan cam piak khawh hna. Atam deuh thil kan tuahmi hna hi a hman le palh kan i fian buin kan tuah mi an si. Kan minung sinak kan tei lo caan rel cawk lo a si ko lai.  

Ahman mi cung ah dir in nun khawh i zuam hna usih!

**********************

All Shall Pass.

Zei ruang set ahdah ka ttah?

Ka nu le ka u le an hmai ka khah lo ruang ah ma? Ruahchanaknak sang pi he an ka tinhpiak bantuk in ka tuah khawh lo ruang ah ma? Ka ngeihchih deuh ruang ah dah? Ka tuahsernak kaa theih ko tik ah mah le mah sualphawt bu in ka chung le hmai ka zoh ngam hna lo. 

"Table number 1 to 20 tiang ka lut kho hnga ma? Medical school cun a mark sang mi le a niam mi i theih khawh dih si an ti. Kan thut nak table number zoh in.." 

Ka hawinu te cu table number ruang ah alung retheih lio ah kei cu tanghra i ka rak i zuam lo man mitthli he ka ciah ko. Major sawk colh asi lai i atlawm bik English Major ka ngah lo cun inn in ka tlik lawhlawh a hau lai tiah khua ka ruat.

Ka ruah deuh deuh ah ka chung le an hmai ka khap chinchin hna lo. Sikhawh lo bu le ngeih lo bu tein sianginn tha tuk ah an ka chiah. An ka timhpiaknak a sang ning le ei bar ka chuah lo ning hi! Ka thluak ma mahtluk in a chiat ko? 

Ni tla zok sehlaw khua mui zokseh ti lawng te ka duh. 

"Ruat ti duh hlah. Tap ti hlah mawh!"

"Na chung le cu an lung dam zau ko lai. Na nu le nih sibawi siseh ti an in duh piak tuk ruang ah si. Theihthiam piak ko hna mu!" a ka kuh bu tein ka hawinu nih tha ka pek. An nih zong Pyin Oo Lwin ah a kai ve mi a si i kan kainak sianginn aa dang. 

Zeitik hmenh ah sibawi si ka rak duh bal lo. Sibawi si kho ding tiang zong in ka thluak a tthat lo ka rak i theih. Nain..ruahchannak le zumhnak ngan pi he a zohthla tukmi ka chung le an lung tel ka lawmh ter khawh hna lo hi cu...

Zaan phanh a har khawh ning hi. Zeihmenh ruat loin i hngilh ning ti ka duh.

"Kadua na lu fak lai. Tap ti hlah! Leng ah kal u sih law pakhat khat va ei u sih."

"Leng chuah ka ngamh lo. Ka thih lawhlawh ah atha lai. Kadua ka ning azak tuk!" ka hawi nu cu ka kuh buin ka tap chin chin.

Tuahawk thei loin ka pawng te ah a tthu i a ka zoh. Alung a tha lo tuk ve. Amit hmai ah a lang. Vanchiat ruang ah a cangmi thil cu siseh law ka ruah thiam deuh rih hnga. Atu cu ka tuhmi pei ka zuun cu. Kawlram bawah ah tanghra nih zeithluk in ah kan sining a thlen khawh ti ka rak theih lo a fah hi!!!

"Kyi, tuanbia kan chimh lai mawh. Ka saya nih a rak ka chim balmi te asi." 

Hawi ngeihchiat le ttah lio ah tuan bia kan chimh lai a ka ti i ka khuaruah a har pah.  "Aw?" tiah ka leh.

......

..........

.............

Atang i hi ka hawinu nih a rak ka chimhmi tuanbia te cu a si. 

One day Solomon decided to humble Benaiah ben Yehoyada, his most trusted minister. He said to him, "Benaiah, there is a certain ring that I want you to bring to me. I wish to wear it for Sukkot which gives you six months to find it." "If it exists anywhere on earth, your majesty," replied Benaiah, "I will find it and bring it to you, but what makes the ring so special?" "It has magic powers," answered the king. "If a happy man looks at it, he becomes sad, and if a sad man looks at it, he becomes happy." Solomon knew that no such ring existed in the world, but he wished to give his minister a little taste of humility. Spring passed and then summer, and still Benaiah had no idea where he could find the ring. On the night before Sukkot, he decided to take a walk in one of he poorest quarters of Jerusalem. He passed by a merchant who had begun to set out the day's wares on a shabby carpet. "Have you by any chance heard of a magic ring that makes the happy wearer forget his joy and the broken-hearted wearer forget his sorrows?" asked Benaiah. He watched the grandfather take a plain gold ring from his carpet and engrave something on it. When Benaiah read the words on the ring, his face broke out in a wide smile. That night the entire city welcomed in the holiday of Sukkot with great festivity. "Well, my friend," said Solomon, "have you found what I sent you after?" All the ministers laughed and Solomon himself smiled. To everyone's surprise, Benaiah held up a small gold ring and declared, "Here it is, your majesty!" As soon as Solomon read the inscription, the smile vanished from his face. The jeweler had written three Hebrew letters on the gold band: _gimel, zayin, yud_, which began the words "_Gam zeh ya'avor_" -- "This too shall pass." At that moment Solomon realized that all his wisdom and fabulous wealth and tremendous power were but fleeting things, for one day he would be nothing but dust. ******* Nihin ni tiang ka ngeihchiat caan poah ah ka hawinu chimhmi tuanbia te ka ruat tthan peng. Lawmh lio caan zong ah philh lo ding a si nain ka minung sinak nih lawmhcaan poah ah zeizong te philh in caan sin ah ka liam tawn. Aliam cia i a cangmi cu kan thleng kho lai lo nian a ra laimi thil cu kan ser khawh. Nitin kan ton mi thil hi kan ton peng hnga dingmi an si lo. A caan a zat cun an liam ko lai.  Na mithtli a tlak hnu lawng ah lawmhnak na sin ah a ra kho lai i na hmuhmi lawmhnak nih a rauh hlan ah an liam tak tthan lai. Lung si vang in na um lio caan ah "mah zong hi a liam ko lai" tiah ruat law na nuamh tuk lio caan zong ah "lawmhnak hi a hmunmi a si lo" tiah ruahkhawhnak na thinlung chung ah caam hram  seh! ******* This post is dedicated to my beloved friend, Dr. Nu Mang. "Hawikom tha cu van arfi ceu bantuk an si. Hmuhton khawh loin zeitluk i hlat hmenh ah na caah an rak um peng ko".

Gone with..

Nu, nau, pa, upa, ngakchia tampi...

Hrial khawh kham khawh lomi natural disasters ruang ah an nunnak aliam. Umnak inn cu chim lo Ruah dornak hmun hmenh an ngei lo. Ei awk rawl le din awk ti thiang laknak ngei loin mitthli he chun zaan an ttahnak  a ni nganak a si cang. 

Lamhnak vawilei tha zong a tang ti lo dah tiawk in thing le thiar lak ah an dawtmi an kawl. Acheu nih an hmuh than hna, sihmenhselaw zohsiang loin puan khuh bu tein lei ah an vui hna. Thinlung afak. Tuar a har. "Hell nak in a zual deuh" tiah mitthli he an hram. Acheu nih aliam cia an dawtmi kaltak siang rih lo in puan an khuh hna i an pawng te ah an chiah rih hna. 

Sizung zong ah mei ara ti lo. Hma a ing mi an tam tuk tik ah sizung ah an i tlum cawk ti lo i sizung tiang in mizaw caah hman awk thilri le eiawk a za in an ngei kho ti lo. Vanpang um lo mi inn tang ah mi zaza an i dor. Thli nih a hrang, ruah nih a sur. Zoh nak poah ah arawk mi inn le lo, nunnak aliam mi dawtmi pumsa le a thuk i a mui mi an sining. Lak awk tha loin vanchiatnak thlichia nih an nunnak a hranh hna hi hodah sual phawt khawh a si hnga? Van in a tlami ruah nak in thinlung ttap in a luangmi an mitthli atam in a fak deuh.

Aww..Bawipa nangmah nih rak umpi ko hna. Inn khawhnak thazang ngeih ter hram ko hna. Hma in akhat mi an thinlung dam ter zau hram ko hna. Nu le nih a liam takmi fa le, dawtmi he a tthenmi an zate nangmah sin in hngangam daihnak hmu hram ko hna seh!

WE ARE WITH YOU, PHILIPPINES!!!!

http://www.cnn.com/SPECIALS/impact.your.world  

Acung link te hi hmet law bawmhnak kuat khawh an si. Dawtnak thinlung he rak bawm ve hna tiah kan nawl!