Kan final grade na tarmi atubak ka hmuh. "Camipuai dih ni thawk in zungkhan ka tthu ti lai lo" na ti caah email tu in kan hal. Zangfahnak tein Grade na ka pekmi kha rak ka double check piak kho lai ma? Mahtluk tiang niam in ka Grade a tlaknak a ruang theih ka duh ko. Ka lawm.
Regards,
........
Mah sayapa class ka rak lak hi ka palh ko. Class chung ah ca hal khawh zong a si lo. Kan i fianlonak kan hal fate a thin hung. Kan theih lo le kan thiam rih lo ruang ah sianginn kai nalakah hal lo ding lawng te kanmah tu a kan hal tthan. Ahnu cun ka fianlo zong ah hal lo lawhlawh in ka um. Tuhi zingka ah ka kuat mi email zan nazi pahra si cang: aka let rih lo.
Minute pahra dan in ka email ka check. Aruang theih ka duh tuk. Class kai ka bau bal lo. Tuah awk a simi tuah khawh dih ka zuam i Grade sang ngai ka hmuh lo hmanh ah hitluk niam ka hmuhnak sullam hrim a um lo. Ka sayapa nih aa palh i si lai dah ka ti.
Adonghnak ah a ca lehmi ka hmuh. Mah vialte thideng in ka hngah mi catlang tlangkhat tein ti hin a ka leh.
"Mah kha na Final Grade a si ko."
**********************************
An dih kho bal lo. Pakhat hnu pakhat an rak lut. Ka rianttuan tti hawi le he lungrawk ngai in kan i zoh hna. Chuncaw ei caan a phan deng. Nain, kal khawh dawh ka si rih lo. Ka theih tawk in fianter le cawnpiak khawh ka duh hna. Nain a chel caan cun ka ba tuk. Zuam ruang ah silo in bawmh duhnak thinlung he ka ttuan mi rian a si.
Ka ttuan tti hawi le cu dinh caan phanh caang ka an thil an i lak i leng an chuak. Rawl an ei. An i din. Nain, kei cu chuncaw ei caan zong tthatthi in ka ngei tawn lo. Fianlonak he thluak baui in a ummi siangngakchia he caan ka dih peng. An ka halmi ka leh khawh hna lo caan zong a tam ve. Nain kan cung ah a sang deuhmi tutor tampi an um i an mah kha ka va hal chin tawn hna. Annih cu ca halmi poah 99% cu an theih/thiam dih.
Thla fate siangngakchia nih Learning Center an rat tik i an sign in nak cazin kha computer in kan check tawn. An min, an student ID le an class lak mi, an saya te min vialte kha hmuh khawh dih a si. I class pakhat cung lawng in voitam ngai asiloah siangngakchia tam ngai Learning Center ah an rat ah cun mah class a chimtu saya kha email in report pek ding kanmah rian a si.
Tuthla hi keimah nih sign in mi cazin check caan a si. Khan hmailei luhnak kam te i kan chiahmi computer cu ka kau i min cazin ka lak. Aherh mi adang dang pawl kha catlap ah kaa ttial hna. Ka ttialmi catlap cu ttha tein ka zoh i ka khuaruah a har ngai. Class pakhat chung lawng bak in Learning Center ah Tutor a rak kan tongmi hi 65% an si. Lothlau ka ti! Mah class a chimtu saya a min rianrang in ka kawl. Email kuat colh a hau lai. An saya pa min ka vun hmuh cun ka khuaruah harnak an tlau tthan dih!
Email ka kau. "Compose" button ka click i report ttial hram ka thawk.
Hello Prof K,
.........
..................
.........................
Upatnak he,
.............
Science Learning Center
**********************************
Hmmmm *Sigh*
