TO_YOU

TOXIC THOUGHT

 

Caan tampi, voitampi, mitampi nih khrihfa cu an perfect ding si tiah an kan ruah tawn. Asi lo ngai. Cross necklace ka ti ruang ah ka thianghlim hlei deuh lo, thla ka cam ruang ah mitha ka si hlei lo. Biakinn ka phanh ruang zong ah mithlamtling ka si hlei lo. Biakinn cu milting pawl lawng kalnak hmun si lo'n michanbau, thinlung kekkuaimi pawl dornak a si deuh. Khrifa kan sinak hi hmurkaa in langhter a duh mi kan tam. Tuahsernak in langhter cu kan i harh ngai.

Ka rianttuannak ah nu pakhat a um. Pathian kong a ka chimh peng. Biakinn a kalnak kong, cheuhra cheukhat a peknak kong ti pawl  a ka chimh. Pathian theimi an um tuk lonak hmun ah a hibantuk in Pathian a theimi rianttuan hawi ngeih cu a ttha tuk tiah ka lawm ngai. Aa manh caan ah hin leng ah a chuak i kuak a vazu ta tawn. Voikhat cu “D, khuk ka phiat cang lai, Pathian sin ah thla ka cam. Phiat khawhnak thinlung a ka pek ko lai tiah ka zumh” tiah a ka ti. “Oh wow..attha tuk cuta. Kan lawmhpi tuk ve!”, tiah ka leh.

Ruah lo pin nikhat cu a ka auh i “ D, hal awk kan ngeih. Phundang in ruat hlah mawh!” tiah a ka “ Kan department i kan ttuanti pa te nih khan an duh tuk. Pathian a thei tuk mi a si. Khrihfa na si ve a theih I an duh khun. Pathian a zum tuk mi a si. An duh tuk. Cathiam, mifim, ziazattha tuk mi asi. Pathian zong a thei tuk fawn.”

“ Aww a si tak! Kei cu tlangval ngeih ka tim rih lo cuta”.

“Si ma? Nain, ruahpiak ko. Tangkaa zong a ngei ngai. Kum 24 lawng a si rih nain inn zong a cawk cang. A fel tuk fawn. Pathian a theimi lawng nupi caah a duh. Date tetal kal hmasa u law na duh khawh ve cun na palh lai lo. Mittha tuk a si.”

“Aww mi thinlung ttha a si cu ka zohnak le bia kan ruahnak in ka theih ngai ko nian, kei cu date kalnak caan zong k ape kho lai lo. Sianginn le rian hin focus ka duh deuh lio a si i. Nain ka lawm mawh”, tiah ka leh.

Ka lungchung te cun, “Pa nih a ka duhtak ah cun a mah tein a ka chimh te ko lai hen cu!” ka ti. Mi personal ah mahbantuk i tel pawl khi ka rem lo. Nain aka dawttuk caah zong ah a hei ka chimh i si ko lai cu ka ti pah. Arau lo! “D, date nan kal cang ma? “ tiah a ka hal. “Date kal cu chim lo biaruahnak caan hmenh ka ngei lo ee” ka hei ti. “Kadua, tangkaa hmuh duh ah kaa hin rian ka tuan, not tlangval hmuh duh ah” tiah ka hei chap.

Caan a ngeih fate mikong chimh a hmang. Ka ngai zuam lo nian a hramthawk cun lungsau tein ka ngaih ter. A caan rau deuh i a zual deuh deuh. “Pathian nih vision a ka pek, ka mang ah mah kan rianttuan ti nu khi pa dang he a duh” ti te hna a ka chimh. Ka lung ttha lo ngai. Pathian min hman in mahbantuk ruahnak ngeih cu ka ngaihchia ngaite. Nikhat cu lak awk ka ngei I ka motor sin ah ka hei kal. Kuak a rak zu len ko. A hmai ka khap lo ngai I ka hmuh ter lai lo ka ti nain hrial khawh a si lo I keimah cu ka ningzak, ka hmaisen.

        

Kan office room a dang. Kei hi pa he kan ttuan ti. An holh tlawm. Mi kong ceih cu an hmang ve ko nain an theih lomi kha theih bantuk in an chim lo. Nu he kan I dannak a si lai dah. Nain, pa zong mikong ceih cu an hmang bak!!! A chelcaan ah mah nu cu kan office ah hin a rat awn, ei awk a rak kawl. Kan ngeihmi ei awk ttuk ma ttek pawl hi a thiar dih tawn. Kan boss hi mittha ngai a si i crackers ka duh tukmi khi tthing lo in a ka cawk piak, ka cabuai ah a ka chiah piak I a mah zong nih hin a rak ei peng. Mah zong cu mah nu nih cun a ka lak piak dih tawn. Kan office a rat fate a zai ta peng. Zai awk le mi kong chimawk a ngei peng.

Asi khawh chung in hrial ka zuam. A theih pah ve rua. A ka chawn tuk ti lo. Ka lungttha than lo i, “Hey, noodle na duh ma? “ ka ti.

“Um ko seh, ka paw ttam lo, ka lawm!”

“Na duh tak lai lo ma? Na ka hal tawnmi kha asi. Nizan ah tampi ka cawk I”

“Ok, pakhat in ka lak lai mawh, ka lawm!”

Thing loin ka motor ah instant noodle ka ngei peng. Pakhat in ka hei pek. A lak i ka lung nuam deuh tthan. Ka hrialhram mi ka lung tthat lo ruang ah…. Minute 15 hrawng a rauh hnu ah kan office ah a rak lut. 

“Ka paw ttam tuk D zeidah ei awk nan ngeih?”

“Yah noodle pei kan pek kha?”

“Aww ka motor chung ah ka chiah. Office I nan ngeih mi hi pakhat in ka lak lai mawh?”

“Yea yea la ko”

Ziah, motor chung i va lak cu a har ttung lo. Kuakzuk ah le nazi cheu ah voikhat cu a kal peng nain. 

Keimah lila nih hin caan tampi cun khrihfa pawl ka judge tawn hna hi ta ka ti. Zumtu an si ruang ah perfect dih ding in, soiawk ngei lo ding in ka zoh colh hna. Ziah, zumtu pakhat kaa ti ve ko nain...

Lungtthawn

"Alung tthawngmi pawl nih an tuah lomi thil pahleithum " kong Forbes ah ka rel. Kan hrawmh ve hna.

Nangtah mi lungtthawng na si ma? 

1. Mah sining kong ruat in ngeihchiat peng an hmang lo.

2. Mi an i uk ter lo.

3. Thlennak an ttih lo.

4. Mah nih control khawh lomi thil kong ah caan an dih ter lo. 

5. Mi lung nuamh ter khawh peng ding an i zuam lo.

6. Calculated risks lak an ttih lo.

7. A liamcia kong ruat in caan an liam ter lo.

8. An ton/tuah balmi palh nak nolh an hmang lo.

9. Mi tthanchonak nih a lung a don hna lo.

10. Sungnak ton ruang ah lungdongh an hmang lo.

11. Mah te'n lawng um an ttih lo.

12. Mahnih tuan/tuah lo'n a theibar ei ding an i ruahchan lo.

13. Zeithil an tuahnak poah ah chikhat tein a phi kan hmuh colh lai tiah an i ruahchan lo. 

Ka thiammi laihloh vialte chuah in ka leh. Ka kheng kho lai lo nain chim duhmi cu a fiang ngai ko :) 

Stay Strong! 

Cheers!