Tuni cu North Lake College ka phan. Kawlram lei ka nau pa caah sianginn luhnak a herhmi va hal piak ding ah kaa thawh. Sianginn campus chung ka phanh bak in ka lung leng tuk. Liam cia caan ka mitthlam ah aa cuang. US ka phanh kaa ah ESL ka rak kai nak College a si i nihin ni dir hmun pakhat phaknak ah lam a rak ka sial piak cu hmunhma pakhat a si.
Zaan 7:15PM in 9:30PM tiang ESL classes ka rak ngei tawn. Ka u nau a ngeih kaa a si ko nain hngakchia no he a rak ka thlah, a rak ka don peng. Reading, writing, speaking le listening classes ka rak laa i a rak nuam ngai. Ka kaitti hawi le pawl he broken English in heh bia kan rak i ruah hna i a chel caan ah ka lai holh le kawl holh an chuak pah tawn. Chim duh ning in mirang holh rak thiam lo a si i theih thiam nak he kan bia ruah a rak thaw thiam thiam ko. Kan saya te zong an rak tha tuk. Language lawng si lo in an culture le history kong zong an kan chimh chih fawn. Semester dih lai zarh cun ei awk phun khat cio kan rak i put hna i cu ti cun zaan riah kan rak i hrawm hna.
Cuticun, ESL class ka dih i College classes ka rak la..duh sah tein ka ngiar i Associate Degree lak khawh nak tiang in Pathian nih lam a ka hruai. Hnu ler mer in ka ruah than tik ah Bawipa cung ah lawmh lo in ka um kho lo.
Restaurant ah rain tuah pah in sianginn ka rak kai tik ah hin ca zoh ka rak i harh ngai. Asi nain, Bawipa nih teimaknak thin lung a ka pek i ka tuahmi thilkip ah khuaaung pem nak thlachuah a ka pek. Mirang holh thiam lo in mirang sin ah rian tuan le sianginn kai a rak si tik ah ka lung tha a rak der ngai tawn. Ka thazang a der mi nih Bawipa he a rak ka naih ter chin chin. Bawipa sin ah ka hal mi cu a mah nih a ka umpi ding le a sunparnak caah a ka hman ding lawng lawng a rak si.
Bawipa tel pi lo in tuah khawh mi thil ka ngeih lo kaa fiang tuk. Cun, Bawipa he cun tuah kawh lomi thil an um lo ti kaa fiang fawn. Ka cauk le notebook hman mi poah i first page ah ka tial peng bang, "Thawnnak a ka petu Khrih thawng in zeithil poah ka tuah khawh ko hna."
